Telugu short stories
నేను రాసిన తెలుగు షార్ట్ స్టోరీస్ ను బ్లాగ్ subscribers కోసం ఇక్కడ post చేశాను. కథ - 1 డోపమిన్ ట్రాప్ డా. ఎ స్. రాజేష్ కుమార్ హాస్పిటల్ లో బెడ్ పై నిస్తేజంగా పడి వున్న తన కొడుకుని చూసి నిచ్చేస్తుడాయ్యడు శేఖర్. అతని ముఖం,అరచేతులు చమటతో తడిసిపోయాయి. గొంతు తడారిపోయింది.గొంతులో నుంచి మాట పెగడడం లేదు. కొంత దూరాన వున్న భార్య కవిత వైపు బేలగా చూసాడు. కవిత కళ్ళలో సుడులు తిరుగుతున్న కన్నీటిని ఆపుకోలేక, గొంతులో వస్తున్న దుఃఖాన్ని దిగమింగుతూ... తడిసిన తన కళ్ళను చీర కొంగుతో అద్దుకుంటూ శేఖర్ వద్ద కు పరిగెత్తుకు వెళ్లి గట్టిగా కౌగాలించుకొని “వాడి ప్రాణాలకు ప్రమాదం లేదు అంటున్నారండి డాక్టర్లు” అని వెక్కిళ్లు అపుకుంటూ జరిగిన విషయం చెప్పింది. శేఖర్ మాత్రం నోట మాట రాక స్థాణువుల నిలబడిపోయాడు. ఇది ఎలా జరిగింది? ...
